Financial Times журналисти Шри-Ланкада тимсоҳ қурбонига айланди

Фото: AFP

Шри-Ланкада Financial Times нашрининг 24 ёшли журналисти жасади топилди. У тимсоҳ ҳужумидан сўнг ҳалок бўлган.

Журналист Пол МакКлиннинг жасади Шри-Ланка пойтахти – Коломбодан шарқда жойлашган қишлоқлардан биридаги саёз кўлдан топилган. Жароҳатлар излари фожиали ҳодисага тимсоҳ алоқадор эканидан далолат берди.

Таъкидланишича, у дўстлари билан ҳордиқ чиқараётган бўлган.

Жорий йилнинг июнь ойи бошларида Шри-Ланкада фуқаролар беш метрли тимсоҳни боғлаб қўйиб, ҳукуматга топширишгани хабар берилганди.