Каталония парламенти мустақиллик эълон қилди

Фото: Reuters

Каталония парламенти мустақиллик ҳақида эълон қилди. Reuters агентлиги шу ҳақида хабар берди. Каталония мустақиллиги учун 70 парламентарий овоз берди, 10 нафари бунга қарши чиқди, яна икки киши бўш бюллетенларни чиқинди урнасига ташлаб юборди.

Махфий овоз бериш жараёни ўтказилишидан олдин мухолифат тарафдорлари парламент биносини тарк этишган.

Каталония мустақиллигига доир резолюция "Халқ бирлиги номзоди" чап радикал партияси ва "Биргаликда "ҳа" учун" коалицияси томонидан кўриб чиқиш учун киритилган эди.

26 октябрда Каталония ҳукумати (женералитети) раҳбари Карлес Пучдемон муддатидан аввал сайловлар ўтказмаслигига доир баёнот билан чиқди ва бу Мадрид билан муносабатларни янада кескинлаштирди.

27 октябрь куни кечқурун Испания парламенти йиғилиши режалаштирилган, унда Мадрид конституциянинг 155-моддасини қўллаб, Каталониядан автономия мақомини бекор қилмоқчи.

#Каталония

Испаниянинг шимолий-шарқий ҳудудида, Каталония автономиясида, истиқомат қилувчи аҳоли 1 октябрь каталонларнинг мустақиллик масаласини ҳал этиш учун кўчага чиқди. Расмий Мадрид ушбу ҳаракатни йўққа чиқариш мақсадида маҳаллий полиция кучидан фойдаланмоқда.