Пучдемон қаердалиги маълум бўлди

Фото: AP

Каталония женералитетининг собиқ раҳбари Карлес Пучдемон ва ишдан бўшатилган бошқа амалдорлар Брюсселга келган. Бу ҳақда Reuters агентлиги маҳаллий нашрларга асосланган ҳолда хабар тарқатган.

Тахмин қилинишича, улар ўз ҳолатлари бўйича яқин вақт ичида баёнот беришади.

Пучдемоннинг Instagram тармоғидаги обуначилари у қўйган охирги сурат - осмон суратини тушунишга уринишмоқда. У бу суратни Брюселда туриб саҳифасига жойлаштиргани айтилмоқда.

Бундан аввалроқ Бельгия бош вазири Шарль Мишель Пучдемонга бошпана берилиши масаласи кун тартибида турмагани ҳақида айтиб ўтганди.

Тайёрлаган Азиз Қаршиев

#Бельгия #Каталония #Карлес Пучдемон

Испаниянинг шимолий-шарқий ҳудудида, Каталония автономиясида, истиқомат қилувчи аҳоли 1 октябрь каталонларнинг мустақиллик масаласини ҳал этиш учун кўчага чиқди. Расмий Мадрид ушбу ҳаракатни йўққа чиқариш мақсадида маҳаллий полиция кучидан фойдаланмоқда.