Қорақалпоғистонда қўй ўғрилари қўлга тушди

Қорақалпоғистон Республикаси Тахтакўпир туман ИИБ ҲПБ профилактика инспекторлари томонидан қўй ўғрилари қўлга олинди.

Бу ҳақда KUN.UZ’га ИИВ Ҳуқуқбузарликлар профилактикаси бош бошқармаси хабар берди.

2017 йил 10 октябрь куни Тахтакўпир тумани Маржанкол овулда яшовчи  1992 йилда туғилган Ж.П.нинг қўрасидан 8 бош қўйларини номаълум шахслар томонидан ўғирлаб кетганлиги юзасидан ариза билан мурожаат этган.

Олиб борилган тезкор тадбирлар натижасида ушбу жиноятни Маржанкол овулда яшовчилар 1984 йилда туғилган К.Е. ва 1984 йилда туғилган Ж.С.лар томонидан содир қилинганлиги аниқланиб, ушланди. 

Мазкур ҳолат юзасидан фуқаролар К.Е. ва Ж.С.ларга нисбатан Тахтакўпир туман ИИБ томонидан Ўзбекистон Республикаси ЖКнинг 169-моддаси 2-қисми билан жиноят иши қўзғатилди.