Фото: Дунёдаги энг тез автомобиль

Калифорнияда Tesla компаниясининг бирданига иккита янгилиги тақдимоти ўтказилди – Semi электр юк машинаси ва тўрт ўриндиқли Roadster 2 электр спорткари. Кутилишича, Tesla родстерининг иккинчи авлоди дунёдаги энг тез серияли машинага айланади - Илон Маскнинг айтишича, Roadster 2 1,9 сонияда соатига 97 километр тезликка чиқади. Ҳозирги рекордчи, Porsche 918 Spyder бунинг учун 0,3 сония кўпроқ сарфлайди. Соатига 160 километр тезликка чиқиш вақти – 4,2 сония, чорак милялик масофани босиб ўтиш – 8,9 сония, деб хабар бермоқда The Verge. Маск моделнинг максимал тезлигини очиқламади, бироқ у соатига 400 километрдан ошишига ишора қилди.

Бир қувватланишда юриш захираси ҳам рекордга айланади – 1 минг км.дан кўпроқ. Электрмобиль ҳажми 200 кВт. бўлган батарея, учта двигатель (биттаси олдинда ва иккитаси орқада) ҳамда тўла узатма билан жиҳозланган. Tesla савдоларни 2020 йилда бошлашни режалаштирмоқда – дунёдаги энг тез машина нархи 200 минг доллардан бошланади.