Эрдўған Африканинг 3 та давлатига сафар уюштиради

Туркия президенти Ражаб Тоййиб Эрдўған Африканинг 3 та давлати: Судан, Чад ва Тунисга сафар уюштиради.

Эрдўған маъмуриятининг маълум қилишича, Эрдўған бу давлатларга 24-27 декабрь кунлари ташриф буюради.

Ташриф вақтида икки томонлама муносабатлар ва ҳамкорликнинг барча жиҳатлари, халқаро масалалар кўриб чиқилади. Шунингдек, турли соҳаларда ҳамкорлик ҳақидаги келишувлар имзоланиши режалаштирилган. 

Туркия президенти ташрифи доирасида бизнес-форумлар ташкиллаштирилади, тадбиркорлар иштирокида учрашувлар бўлиб ўтади.