Ravon Украинада оммалашмоқда

AUTO-Consulting  ахборот-таҳлил гуруҳининг хабар беришича, Ўзбекистоннинг «Равон» бренди автомобили Украина бозорида 2017 йилдаги энг оммабоп авто моделлари Топ-10га кирган. Бу ҳақда «Жаҳон» АА хабар берди.

Шундай қилиб, AUTO-Consulting статистика маълумотларига кўра, Ravon R2 модели тезкор равишда оммалашиб, бозордаги позицияларини 2016 йил билан таққослаганда 55 поғонага кўтариб олган ҳамда 8-ўринни эгаллаган. 2017 йил якунлари бўйича ҳаммаси бўлиб 1601 та автомобиль сотилган.

Шу билан бирга, маълум қилинишича, кўрсатилган давр давомида Украинада 80271 автомобиль сотилган. Хабарга кўра, Украина бозорида KIA Sportage кетма-кет икки йил давомида энг кўп сотиладиган моделга айланди. Renault Logan ва Duster рейтингдаги жойларини ўзгартирган. Toyota Rav4 ҳам анча оммалашди.