АҚШда музлаб қолган тимсоҳлар ўзига кела бошлади

АҚШнинг Шимолий Каролина штатида аномал совуқлар сабабли музлаб қолган тимсоҳлар ўзига кела бошлади.

Аввалроқ интернетда Shalotte River Swamp миллий боғидаги ҳовузда музлаб қолган тимсоҳлар видеоси пайдо бўлганди. Миллий боғда суратга олинган янги видеода тимсоҳлар мажбурий уйқудан кейин яна ўзига келиб, жонлана бошлаганини кўриш мумкин.

Боғ раҳбари Жорж Ховарднинг таъкидлашича, тимсоҳлар ўз таналари ҳароратини ўзгартириб ва моддалар алмашинувини секинлаштириб, муҳит шароитларига мослаша оладилар. Об-ҳаво мақбул ҳароратга келгандан кейин тимсоҳлар одатий ҳаёт кечиришга қайтадилар.