Месси афсонавий Мюллернинг рекордини янгилади

Фото: La Liga

«Барселона» ҳужумчиси Лионель Месси Испания примерасининг 19-тури доирасида «Реал Сосьедад»га қарши кечган ўйинда (4:2) гол муаллифига айланди.

Месси учун бу Испания чемпионатидаги 366-тўпга айланди. 30 ёшли аргентиналик «Бавария»нинг афсонавий ҳужумчиси Герд Мюллернинг «Катта бешлик»даги алоҳида миллий биринчиликда урилган голлар сони бўйича рекордини янгилади, деб хабар бермоқда MESSISTATS «твиттер»и. Мюллер Мюнхен жамоаси учун немис чемпионатида 365 гол урган (427 учрашув). Месси эса 401-баҳсида майдонга тушди.

«Барселона» форварди ушбу учрашувнинг 85-дақиқасида ўз номини таблога ёздириб қўйди.