Голландия расмий равишда Туркиядаги элчисини чақириб олди

Фото: Reuters

Голландия ТИВ Туркиядаги элчисини расмий равишда ортга чақириб олди. Бу ҳақда Reuters хабар бермоқда.

Таъкидланишича, Туркия ҳукумати дипломатга мамлакатга киришни қарийб бир йил муқаддам тақиқлаб қўйган. Нидерландия ҳукумати бунга жавобан мамлакатдаги янги элчисини тайинлашдан бош тортди.

Айни дамга келиб ушбу давлатлар ўртасида бу масала бўйича музокаралар тўхтатилган.

Нидерландия ўтган йилнинг бошида турк амалдорларига визалар беришдан бош тортди, улар мамлакатда яшовчи турклар ўртасида Туркияда 2017 йилнинг мартидаги конституциявий референдумдан аввал ташвиқот ишларини олиб боришмоқчи бўлишган. Нидерландияда бу вақтда сайловлар бўлиб ўтаётганди.