«Атлетико» «Атлетик»ни енгди, «Реал Сосьедад»да йирик ғалаба

Испания Примерасининг 24-турида Мадриднинг «Атлетико» клуби «Атлетик» Бильбаони қабул қилди. «Ванда Метрополитано»да ўтказилган учрашув майдон эгаларининг 2:0 ҳисобидаги ғалабаси билан якунланди.

«Матрасчилар» 67-дақиқада ҳисобни очишди. Антуан Гризманнинг пасидан Кевин Гамейро унумли фойдаланди. 80-дақиқада Гамейро Диего Костани голли пас билан таъминлади.

Эндиликда Испания чемпионати турнир жадвалида «Атлетико Мадрид» очколари сонини 55тага етказган ва 2-ўринда бормоқда, «Атлетик» эса 28 очкоси билан 14-ўринда.

Бу турда «Реал Сосьедад» «Леванте»ни қабул қилиб, 3:0 ҳисобидаги ғалабага эришди.

«Реал Сосьедад» ўйиннинг 10-дақиқасидаёқ ҳисобни очди, Хаби Прието пенальтини аниқ бажарди. Танаффусгача майдон эгалари устунликни оширишди — 38-дақиқада Хуанми гол муаллифи бўлди. Иккинчи бўлим бошида Серхио Каналес аниқ зарбаси билан ўйиндаги якуний ҳисобни ўрнатди.

Бу ғалаба эвазига «Реал Сосьедад» очколари сонини 29тага етказди ва турнир жадвалида 12-ўринга кўтарилди, «Леванте» 20 очко билан 17-ўринда жойлашган.

Испания чемпионати
24-тур
Атлетико – Атлетик 2:0 (0:0, 2:0)
Голлар: 1:0 – 67 Гамейро, 2:0 – 80 Диего Коста.
Атлетико – Облак, Хименес, Филипе Луис, Врсалько, Люка Эрнандес (Годин, 46), Парти, Сауль, Коке (Гамейро, 59), Корреа (Габи, 70), Гризманн, Диего Коста.
Атлетик – Аррисабалага, Нуньес, Саборит, Иньиго Лекуэ, Мартинес, Беньят (Итурраспе, 65), Сусаета, Иньяки Уильямс, Сан Хосе, Сабин Мерино (Де Маркос, 68), Микель Весга (Кордоба, 72).
Огоҳлантиришлар: Корреа (17), Диего Коста (36), Беньят (40), Филипе Луис (62), Нуньес (71).

Реал Сосьедад – Леванте 3:0 (2:0, 1:0)
Голлар: 1:0 – 10, пенальти Прието, 2:0 – 38 Хуанми, 3:0 – 55 Каналес.
Реал Сосьедад – Рульи, Элустондо, де ла Белья, Одриосола (Горосабель, 81), Навас, Прието (Каналес, 13), Ильярраменди, Сурутуса, Ойарсабаль (Субельдия, 68), Хуанми, Агиррече.
Леванте – Оласабаль, Постиго, Луна, Коке (Рочина, 55), Родригес, Лукич (Марти, 46), Дукуре, Моралес, Кампанья, Джейсон, Паццини (Боатенг, 59).
Огоҳлантиришлар: Лукич (8), Родригес (60).