АҚШ сунъий онгни ривожлантиришдаги етакчиликни Хитойга бой бермайди – Билл Гейтс

АҚШ сунъий онг технологияларини ўзлаштириш ва ривожлантиришда жаҳондаги етакчиликни Хитойга бой бермайди. Бунга ишончи комиллигини Microsoft асосчиси Билл Гейтс CNN телекомпанияси эфирида айтиб ўтди.

Гейтс “Хитой АҚШни технологиялар пойгасида юта оладими?” деган саволга “Йўқ, АҚШнинг Microsoft, Google, Facebook ва бошқа компаниялари етакчилик қилмоқда. АҚШдаги илмий ходимлар қолган давлатлардагидан кучлироқ. Хитойликлар очиқ характерга эга бу технологик инқилобда иштирок этмоқдалар”, деб айтган Гейтс.     

Гейтс очиқ-ойдинлик омилини сунъий онг соҳасидаги янги илмий тадқиқотлар дарҳол чоп этилиб, ҳаммага маълум бўлиши билан тушунтирди.  

“Сунъий онг технологиялари саноат ишлаб чиқариши самарадорлигини оширишга имкон беради ва ҳарбий-саноат тармоғида асқатади. Тарихан АҚШда қуролли кучлар бошқа исталган давлатга қараганда, катта даражада илғор технологиялар билан боғланган. Бу борада хитойликлар биз билан тенгма-тенг бормоқда, бироқ улар биздан – АҚШдан ўтиб кетмайдилар, деб умид қиламан”, деб ишоч билдирган Гейтс.

Сунъий онг деганда нафақат инсон томондан яратилган дастур бўйича ишлайдиган, балки ўзи ўрганиб, дастурчи томондан қўйилмаган ҳаракатларни амалга ошира оладиган  мураккаб дастурий тизимлар кўзда тутилади.