Исроил молия вазири Фаластин бош вазири билан учрашди

Фото: AFP 2018 / Ahmad Gharabli

Исроил молия вазири Моше Кахлон 19 февралда Фаластин бош вазири Рами Ҳамдаллоҳ ва молия вазири Шукри Бишар билан учрашганини маълум қилди. Ушбу учрашув АҚШнинг Ал-Қудсни Исроил пойтахти деб тан олиш қароридан кейин томонларнинг энг юқори даражадаги алоқаси бўлди.

Таъкидланишича, бундай форматдаги алоқалар мунтазам ўтказиб келинади ва одатда иқтисодий ҳамкорлик масалаларига қаратилади.

Кахлон фаластинликларни Исроил билан деярли 4 йил аввал узилиб қолган тинч музокараларни тиклашга ва АҚШ воситачилигини рад этмасликка чақирганини маълум қилган.

Ўз навбатида Фаластиннинг ВАФА ахборот агентлиги учрашувда қолган масалалар қаторида Исроил ҳукуматининг турар жойлар қуриши қарори муҳокама қилинганини маълум қилган.

“Фаластин томони Исроил ҳукумати Ғазо секторидан блокадани олиш бўйича ўз мажбуриятларини бажариши ва Ғазо секторида иқтисодий шароитларни енгиллаштириш ва иқтисодий ҳаётни жонлантириш учун одамлар ва маҳсулотларнинг шимолий ва жанубий ҳудудлар ҳамда Ғазо ва ташқи дунё орқали ўтиши учун кўмак кўрсатиши зарурлигини таъкидлаб ўтган”, деб айтилган ВАФА хабарида.

Фаластинликлар АҚШ президенти Дональд Трамп 2017 йил охирида Ал-Қудснинг Исроил пойтахти деб тан олинишини эълон қилгандан кейин АҚШ хизматларидан воз кечгандилар.

#АҚШ #Исроил #Фаластин

6 декабрь куни АҚШ президенти Дональд Трамп Қуддуснинг Исроил пойтахти деб тан олди. У АҚШ Давлат департаментига Тель-Авивдаги элчихонани Қуддусга кўчиришга тайёргарлик кўришни бошлаш вазифасини топширди.