Россиядаги ёши энг катта футболчи қотилликни ташкил этишда гумонланиб ушланди

Фото: Удмуртия

Россиядаги ёши энг катта профессионал футболчи Владимир Тумаев Ижевскда ҳибсга олинди. Бу ҳақда «Удмуртия» ахборот агентлиги хабар берган.

Тадбиркор Россия чемпионатидаги расмий ўйинларда иштирок этган ва 2005 йилда Гиннеснинг рекордлар китобига мамлакатдаги ёши энг катта профессионал футболчи сифатида киритилган. Учрашув ўтказилган пайтда у 59 ёшда бўлган.

Тумаевни аввалдан шахслар гуруҳи билан тил бириктирган ҳолда буюртма асосида қотилликни ташкил этишда гумонлашмоқда. У 20 йилга озодликдан маҳрум этилиши мумкин.