Ота икки қадам наридаги қизининг ўғирлаб кетилганини сезмай қолди (видео)

Ҳиндистоннинг Мумбай шаҳрида дўконда ишловчи эркакнинг чамаси 2-3 яшар қизи дўкон олдига чиққанда ўғирлаб кетилди. Дўкон ичида бўлган ота қизининг ўғирлаб кетилганини сезмай қолган. Кузатув камерасига муҳрланган ушбу ҳолат ҳақида Daily Mail нашри маълум қилди. 

Роликда қизча кўчага чиққани, дастлаб унинг ёнидан ўтиб кетмоқчидек кўринган номаълум эркак қизчани қўлига олиб, ҳеч нарса бўлмагандек кетишда давом этганини кўриш мумкин.

Ота бир қанча фурсатдан кейингина қизи йўқолгани ҳақида бонг ура бошлаган. У қизи шунчаки кўчада ўйнаб юрибди, деб ўйлаган. Полиция камерадаги ёзувларни ўрганиб, жиноятчини 6 соатдан кейин топишга муваффақ бўлган.

Таъкидланишича, нашр қизчанинг саломатлиги ва эркак нима сабабли бу ишни содир этгани ҳақида маълумотларга эга эмас.