Telegram ва Badoo асосчилари миллиардерлар қаторидан жой олди

“ВКонтакте” ва Telegram асосчиси Павел Дуров илк бор Forbes’нинг миллиардерлар рўйхатига киритилди. Унинг бойлиги 2018 йилги рейтингда 1,7 млрд долларга баҳоланган. 

Дуров рўйхатда 1394-ўринни эгаллаган. Бу, мисол учун, “Яндекс” раҳбари Аркадий Волож ва Badoo асосчиси Андрей Андреевникидан кўпроқдир. Уларнинг ҳар иккисининг бойлиги 1,5 млрд долларни (1561-ўрин) ташкил қилади. Андреев ҳам ушбу рўйхатга илк бор киритилди. 

Рўйхатга Amazon асосчиси Жефф Безос 112 млрд доллар билан етакчилик қилмоқда. 2- ва 3-ўринларни мос равишда Билл Гейтс (90 млрд доллар) ва Уоррен Баффет (84 млрд доллар) эгалламоқда.