Порошенко Жан Рено билан Украина киносини муҳокама қилди

Фото: president.gov.ua

Украина президенти Пётр Порошенко Украина-Франция ҳамкорлигида суратга олинаётган «Сўнгги қадам» фильмида қатнашиш учун келган актёр Жан Рено билан учрашди. Бу ҳақда «112 Украина» хабар бермоқда.

«Украина ҳақидаги фикрларингизни эшитиш жуда қизиқ. Бу биз учун муҳим, сабаби бу Украина киносаноатининг тикланиш белгиси саналади», - дея айтиб ўтди Порошенко.

Порошенконинг қўшимча қилишича, актёр билан кўришишдан хурсанд ҳамда унинг иштирокидаги кўплаб фильмларни томоша қилган.

Ўз навбатида Ренонинг маълум қилишича, мамлакатдаги табиат гўзаллигидан ҳайратга тушган.

«Мен украинлар жамоаси билан биринчи марта ишламоқдаман. Мамлакат тарихи ҳақида ҳикоя қилиш имкониятига эга бўлиш жуда муҳим», - дея айтиб ўтди у.

Эслатиб ўтамиз, 2016 йилда Пётр Порошенко Россияда 2014 йилнинг 1 январидан сўнг суратган олинган фильмлар намойишини тақиқлаш тўғрисидаги қонунни имзолаганди.