АҚШнинг РҚМ келишувидан чиқиши халқаро хавфсизликка таҳдид туғдирди – Кремль

Россия президенти матбуот котиби Дмитрий Песковнинг маълум қилишича, АҚШнинг ракеталарга қарши мудофаа бўйича келишувдан чиқиш тўғрисидаги қарори халқаро барқарорлик ҳамда хавфсизликни таҳдидга қўйди. Бу ҳақда RT хабар бермоқда.

«АҚШ ракеталарга қарши мудофаа бўйича келишувдан чиққанда, улар ўзаро ядровий босиб туриш тизимини сўроқ остига қўйишди – бу эса халқаро барқарорлик ва хавфсизлик тизимининг асосий жиҳатларидан бири. Россия ўшандан бери бир неча марта мамлакат ядровий салоҳиятини йўқ қилишга қаратилган саъй-ҳаракатлар нишонига айланди», - дея айтиб ўтди Песков.

Шунингдек унинг таъкидлашича, якунда юзага келган вазият ядровий босиб туриш тизимининг ўзига ҳам таҳдид уйғота бошлади.