Британия кенгаши Россиядаги фаолиятини тўхтатди

Маданият ва таълим масалаларида Буюк Британия номидан фаолият юритувчи Британия кенгаши 22 март куни Россия ҳукуматининг тегишли қарорига мувофиқ, РФдаги фаолиятини тўхтатиши ҳақида эълон қилди. 

РФ президентининг халқаро маданий ҳамкорлик бўйича махсус вакили Михаил Швидкойнинг сўзларига кўра, икки томонлама маданий дастурлар энди Буюк Британия элчихонаси линияси орқали амалга оширилиши мумкин. ТАСС томонидан сўроқ қилинган Россия музейлари вакиллари ташкилотнинг ёпилиши уларнинг ишига халақит бермаслигини айтишган, шу билан бирга, бу чет элларда ўқишга кириш учун IELTS халқаро имтиҳонларини ўтказишга ҳам таъсир қилмайди.

Россия ва Бирлашган Қироллик муносабатлари 4 мартда Солсберида рўй берган воқеа фонида кескинлашди. Россияда Британия фойдасига жосуслик қилишда айбланган собиқ "ГРУ" полковниги Сергей Скрипаль ва унинг қизи Юлия, Британия томон версиясига кўра, у ерда асаб-паралитик тизими таъсирига йўлиқишган. 

Лондонда таъкидланишича, бу модда гўёки Россияда ишлаб чиқилган. Шу аснода Буюк Британия РФни воқеага дахлдорликда айблаган. Ҳеч қандай исбот тақдим этмаган Лондон 23 нафар россиялик дипломатни мамлакат ҳудудидан чиқариб юборган ва бошқа аксилроссия чоралар ҳақида эълон қилган. Шундан кейин Москва жавоб чораларни қўллашга қарор қилган ва Британия элчихонасининг худди шунча ходимини РФдан чиқариб юборган. Бундан ташқари, Буюк Британиянинг Санкт-Петербургдаги бош консуллиги ёпилиб, РФда Британия кенгаши фаолиятига нуқта қўйилган.