Илон Маск ионосферада улкан дарча ҳосил бўлишида айбланмоқда

2017 йил августда Тайван сунъий йўлдошини орбитага олиб чиққан Space X Falcon 9 ракетасининг учирилиши ионосферада 900 км келадиган дарча ҳосил бўлишига олиб келган. Бу ҳақда Тайван миллий университети олимлари тадқиқотида маълум қилинган.

Тадқиқотда таъкидланишича, ракетага ортилган юкнинг нисбатан енгиллиги ракетани эгри йўналиш ўрнига деярли вертикал ҳолатда учиришга имкон берган. Ракетани бундай ҳолатда учириш тортиш кучини осонроқ енгиб ўтишга имкон беради.

Бунинг оқибатида эса V-симон бўлмаган, айлана шаклидаги зарба тўлқини ҳосил бўлган, у ракета двигателидан чиққан газлар билан бирга ионосфера плазмасида диаметри 900 кмлик дарча пайдо бўлишига сабаб бўлган. Таъкидланишича, дарча бир неча соат давомида сақланиб турган. Тадқиқотчиларнинг айтишича, ушбу тўлқин коинот парвозлари тарихидаги энг кучлиси бўлган.

Таъкидланишича, ионосферадаги бундай ёриқлар GPS-тизимларида носозликларга олиб келиши мумкин.