Йўловчини автомашинада уриб, воқеа жойидан қочиб кетган ҳайдовчи ушланди

Самарқанд туманида жиноят юз берди, деб хабар қилмоқда Ўзбекистон Республикаси ИИВ жамоатчилик ва оммавий ахборот воситалари билан алоқалар бошқармаси.

Қайд этилишича, 2018 йил 4 апрель куни, номаълум ҳайдовчи автомашинани “Самарқанд-Бухоро” М-37 йўлининг 35-километрида ҳайдаб кетаётиб, пиёда, 1983 йилда туғилган О.Қ.ни уриб юбориб, воқеа жойидан кетиб қолган. Натижада О.Қ. жароҳат олиб касалхонага ётқизилган. 

Кўрилган чоралар натижасида ушбу йўл-транспорт ҳодисасини Тайлоқ тумани Гулба маҳалласида  яшовчи, 1964 йилда туғилган Н.И. ўзининг “Дамас” русумли автомашинасида содир этганлиги аниқланиб ушланган.