UFC Макгрегорнинг Нурмагомедов бўлган автобусга ҳужуми видеосини эълон қилди

Фото: Видеодан кадр

Мутлақ жангчилар чемпионати (UFC) матбуот хизмати YouTube’даги ўз каналида аралаш йўналиш бўйича ирландиялик жангчи Конор Макгрегорнинг UFC 233 мусобақаси иштирокчилари ўтирган автобусга ҳужуми тасвирланган видеоёзувни эълон қилди. Бу ҳақда «Известия» газетаси хабар бермоқда.

Макгрегор ва унинг жамоасидан бир неча киши, жумладан спарринг-шериги Артем Лобов ичида спортчилар бўлган автобусга ҳужум қилишган. Таъкидланишича, транспортда россиялик Ҳабиб Нурмагомедов ҳам бўлган, унда Лобов билан яқинда меҳмонхонада можаро юз берганди.

Кейинчалик ирландиялик Нью-Йорк полициясига ўзини топширди.

Эслатиб ўтамиз, аввалроқ аралаш йўналиш бўйича россиялик жангчи Ҳабиб Нурмагомедов UFC 223 мусобақаси олдидан ташкил этилган матбуот анжумани давомида ирландиялик Конор Макгрегорнинг провокацияларига жавоб қайтариб, унга исталган вақтда ва исталган жойда муносабатларни аниқлаштириб олишни таклиф қилганди.