1 июндан туркомпанияларга офиссиз ҳам ишлашга рухсат берилади

Фото: KUN.UZ

1 июндан туристик компанияларга жисмоний офисга эга бўлмасликка рухсат берилади. Бу президентнинг "Тадбиркорлик фаолияти соҳасидаги лицензиялаш ва рухсат бериш тартиб-таомилларини янада қисқартириш ва соддалаштириш, шунингдек бизнес юритиш шароитларини яхшилаш чора-тадбирлари тўғрисида"ги фармони билан назарда тутилган.

Ҳозир, Туристик фаолиятни лицензиялаш тўғрисидаги низомга кўра, ўзининг ёки ижарага олинган офисининг бўлиши мажбурий талаблар рўйхатига киради.

Шунингдек, компания лицензия олишда офиси борлигини тасдиқловчи ҳужжатлар нусхасини тақдим этиши керак. 1 июндан бу талаб бекор қилинади.