АҚШ Telegram'нинг блокланишини четлаб ўтишга кўмаклашади

Фото: РИА Новости

Америка фуқаролар эркинлиги муҳофазаси иттифоқи (ACLU) энг йирик IT-компанияларини ўз серверларида Telegram мессенжерига ҳеч қандай чекловларсиз IP-манзилларни ўзгартириш имконини беришга чақирди.

Ташкилотга кўра, Amazon, Google, Apple ва Microsoft "инсон ҳуқуқларига риоя қилишни таъминлаш" ва "цензурага қарши чиқиш учун" мессенжерга ўз платформаларига кириш имконини яратишлари керак.

Бундан аввал "Роскомнадзор" раҳбари Александр Жаров идора Telegram блокланишни четлаб ўтишда фойдаланаётган Amazon ва Google'нинг IP-манзилини блоклаши ҳақида маълум қилган эди.