Қашқадарё ва Сурхондарёдан келиб Тошкентда талончилик қилганлар қўлга олинди

Тошкент шаҳрининг Мирзо Улуғбек туманида жиноят юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Маълум бўлишича, 18 апрель куни соат 03.00ларда номаълум шахслар Марказ 2-даҳада жойлашган шохобча олдида 1995 й.т. У.Т.ни куч ишлатиш йўли билан қўрқитиб, “Самсунг” ва “I Phone” мобиль телефонлари ҳамда пулларини олиб кетганлар. 

Кўрилган чоралар натижасида ушбу жиноятни Қашқадарё вилояти Чироқчи тумани Чиялик қишлоғида яшовчи, муқаддам судланган, 1990 й.т. С.О. ва Сурхондарё вилояти Шўрчи тумани Пахтакор кўчасида яшовчи, 1995 й.т. Ж.Н. содир этганлиги аниқланиб қўлга олинганлар.