Чимкентда 13 ёшли қиз 4,2 кг'ли фарзандни дунёга келтирди

Чимкентда 13 ёшли қиз фарзандли бўлди, дея хабар беради BNews.kz.

Жанубий Қозоғистон соғлиқни сақлаш бошқармасида вояга етмаган қиз ўз фарзандини 22 апрель куни 1-сонли перинатал марказда дунёга келтиргани маълум қилинган.

Манбага кўра, 2005 йилда туғилган қиз 4,2 килограмм вазнли соғлом болани ҳеч қандай қийинчиликларсиз ва жарроҳлик аралашувисиз дунёга келтирган.

Вояга етмаган она Жанубий Қозоғистоннинг Сариагаш туманидаги Қаратўбе қишлоғида ўз ота-онаси билан яшайди. У қишлоқ мактабининг 7-синфида ўқийди.

Полицияда қайд этилишича, мазкур иш юзасидан тергов ишлари олиб борилмоқда.