Дунёнинг энг кўп маош олувчи футболчилари ва мураббийлари аниқланди

France Football нашри дунё футболчилари ва мураббийларининг даромадларини ҳисоблаб чиқди.

«Барселона» ҳужумчиси Лионель Месси мавсум якунига кўра, ҳаммадан кўп – 126 миллион евро даромад олиши маълум бўлди. Бу қиймат ичига футболчининг маоши, мукофотлари ва рекламадан олган даромади киради.

Рейтингнинг иккинчи поғонасида «Реал» ҳужумчиси Криштиану Роналду боряпти - 94 миллион евро. Учинчи ўринни «Пари Сен-Жермен» ҳужумчиси Неймар эгаллаб турибди – 81,5 миллион евро.

Дунёнинг энг кўп даромад олувчи мураббийи португалиялик Жозе Моуриньо бўлиб, у 26 миллион евро ишлаб топади. Иккинчи ўринда Хитой терма жамоаси устози Марчело Липпи – 23 миллион евро. Учинчи ўринда аргентиналик Диего Симеоне – 22 миллион евро. Тўртинчи ўринда «Реал» бош мураббийи Зинедин Зидан – 21 миллион евро.