Қўшимча функционаллар
-
Тунги кўриниш
Тошкентда 10 кун аввал йўқолиб қолган 6 ёшли боланинг жасади топилди
23 апрель куни эрталаб Тошкентда 14 апрелдан буён қидирилаётган олти ёшли Абдуллоҳ Алишеровнинг жасади топилди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси матбуот хизмати хабар берган.
Маълум бўлишича, боланинг жасади Учтепа туманидаги уйи яқинидан оқиб ўтувчи Қорақамиш канали қирғоғидан топилган.
«Олиб борилган қидирув ишлари натижасида, 2018 йилнинг 14 апрель куни бедарак йўқолган 2012 йил 19 сентябрда туғилган Алишеров Абдуллоҳ Олимжон ўғли ўзи яшаган уйга яқин жойдан оқиб ўтувчи каналдан топилди ва бугун Абдуллоҳга жаноза ўқилиб, сўнгги манзилга кузатилди. Абдуллоҳнинг яқинлари уни топишда ёрдамларини аямаган ва уларнинг дардига шерик бўлганларга миннатдорчилик билдирадилар», дейилган хабарда.
Дастлабки кўрикда бола жасадида зўравонликдан вафот этганини тасдиқловчи белгилар топилмаган. Ҳодиса тафсилотлари ўрганилмоқда.
Мавзуга оид
08:10 / 24.05.2025
Тошкентда Nissan автомобили ёниб кетди
18:02 / 20.05.2025
Тошкентда каналга тушиб кетган қизни қутқарган эркак ҳалок бўлди
09:41 / 16.05.2025
Мактаб ўрнига “дом”, 167 жабрланувчи. Тошкентда “новостройкачи”ларга нисбатан йирик суд иши бошланди
08:13 / 06.05.2025