Тошкент метросида бугун ҳарбий-ватанпарварлик акцияси ташкил этилади

Бугун Тошкент шаҳри метрополитенининг барча йўналишлари бўйлаб соат 16.30дан 20.00га қадар ҳарбий-ватанпарварлик акцияси ташкил этилади. Бу ҳақда Мудофаа вазирлиги матбуот хизмати хабар бермоқда.

Қайд этилишича, акция 9 май кунига бағишланган. Унда Қуролли кучлар ашула ва рақс Марказий ансамблининг ходимлари иштирок этади.

Улар ҳарбий йиллардаги либосни кияди. 2-жаҳон уруши вақтидаги қўшиқлар ижро этилади. Акция соат 16:30да "Дўстлик" метро бекатида бошланади.