Виталий Денисов «Локомотив» билан Россия чемпиони бўлди

Москванинг «Локомотив» клуби ўз майдонида «Зенит» билан баҳслашди. Ўйиннинг 88-дақиқасида португалиялик ҳужумчи Эдер томонидан урилган гол ягоналигича қолди. Ҳамюртимиз Виталий Денисов «темирйўлчилар» захирасида қолди.

Бу натижадан сўнг, «Локомотив» муддатидан олдин учинчи бор мамлакат чемпионлигини қўлга киритди.

РФПЛ, 29-тур
Локомотив – Зенит 1:0 
5 май, «Локомотив» стадиони
Гол: 1:0 – 87 Эдер. 
Локомотив – Гильерме, Рыбус, Чорлука (Пейчинович, 46), Кверквелия, Фарфан, Миранчук (Эдер, 79), Фернандеш, Игнатьев, Тарасов, И.Денисов, Миранчук.
Зенит – Лодигин, Кришито, Мевля, Смольников (Полоз, 81), Кузяев, Жирков (Плетнев, 69), Паредес, Краневиттер, Ерохин, Заболотний, Дриусси.
Огоҳлантиришлар: Дриусси (24), Игнатьев (25), Кузяев (55), Краневиттер (62), Паредес (67), Мевля (76).

Эслатиб ўтамиз, миллий терма жамоамизда тўп сурган ҳамюртларимиздан Миржалол Қосимов (1995, «Алания» Владикавказ), Жаъфар Ирисметов (2001, «Спартак» Москва), Александр Гейнрих (2003, ЦСКА Москва) ва Андрей Фёдоров (2008, «Рубин» Қозон) ҳам Россия чемпионлигини қўлга киритишган.