Арманистон ҳукмрон партияси мухолифатга ўтиши ҳақида маълум қилди
Арманистон парламенти вице-спикери ва парламентда кўпчилик мандатга эга бўлган Арманистон Республика партияси ижроия органи аъзоси Эдуард Шармазанов мамлакат янги бош вазири Никол Пашиняннинг ҳукуматига кирмайди ҳамда мухолифатга ўтади. Бу ҳақда Sputnik Арманистон хабар берган.
«Партия вакиллари ҳукуматга кирмайди. Биз мафкура, принципларга эга партиямиз ҳамда мухолиф бўлганимиз ҳолда, ҳукуматга кира олмаймиз. Биз Қорабоғ, Арманистон фаровонлиги, мамлакатнинг миллий ва давлат манфаатлари учун ишлашда давом этамиз», - дея маълум қилди Шармазанов.
Аввалроқ, мухолиф сиёсатчи, «Гражданский договор» партияси ва «Елк» фракцияси аъзоси Никол Пашинян Арманистон бош вазири этиб сайланганди.
Бундан ташқари, Арманистон президенти Армен Саркисян Никол Пашинян жамоатчилик фикрини жуда нозик тушунувчи истеъдодли сиёсий арбоб экани, бироқ, у мамлакат ривожи учун ўз масъулияти даражасини тушуниши кераклиги ҳақида маълум қилганди.
Мавзуга оид
20:33 / 18.09.2024
Арманистонда давлат тўнтаришига уринишнинг олди олинди
00:12 / 13.09.2024
Лукашенко Қорабоғ атрофидаги воқеаларда Арманистон раҳбариятини айблади
00:10 / 10.09.2024
Арманистон Европа Иттифоқи билан визасиз режим бўйича музокараларни бошлади
21:15 / 03.09.2024