Тошкентдаги “Чорсу” меҳмонхонаси 2019 йилгача ишга туширилади

Тошкент шаҳри Шайхонтоҳур тумани ҳокими Баҳодир Ғойибназаров узоқ йиллардан буён фаолият юритмай келаётган “Чорсу” меҳмонхонаси ҳақида маълумот берди, деб ёзмоқда ЎзА.

Турк инвесторлари уни капитал реконструкция қилишади. Бу борада тегишли келишувлар амалга оширилган. Яқин кунлар ичида дастлабки ҳаракатлар бошланади. Меҳмонхона 2019 йилгача ишга туширилишини айтилди.

Бир пайтлар пойтахт кўрки ҳисобланган муҳташам "Чорсу" меҳмонхонаси сўнгги 12 йилда деярли қаровсиз ҳолга келиб қолган эди. Эндиликда туризмни ривожлантириш, пойтахтда кўламли ислоҳотларни амалга ошириш жараёнида мазкур меҳмонхона ҳам қаддини тиклаб, сайёҳлар ва шаҳар меҳмонларининг сўлим гўшасига айлантирилади.