Эрон парламентида АҚШ байроғи ёқиб юборилди (видео)
Эрон парламентининг бир неча депутатлари АҚШ президенти Дональд Трамп Вашингтоннинг Эрон билан ядровий келишувдан чиқишини эълон қилгандан кейинги кун – 9 майда парламентда АҚШ байроғини ёқиб юборишди. Ушбу ҳолат видеоси YouTube’да жойлаштирилди.
Депутатлардан бири минбарга кўтарилиб, президиумга қоғозга босиб чиқарилган АҚШ байроғини кўрсатиб, уни ёқишга тушган. Шунда депутатнинг ҳамкасблари унинг ёнига келиб, ёрдам бера бошлашган. Улар, шунингдек, яна битта ҳужжатни ёқиб юборишган. ОАВнинг маълум қилишича, бу қоғоз ядровий келишув ҳақидаги шартноманинг нусхаси бўлган.
Акция давомида депутатлар мушт кўрсатганча, АҚШга қарши шиорларни ҳайқириб айтишган. Қолган депутатлар ҳам минбар томон интилиб, ҳамкасбларини қўллаб-қувватлашган. Сўнгра ёнаётган қоғозлар оёқ остига ташланиб, топтаб ташланган.
8 майда Трамп АҚШнинг Эрон билан ядровий келишувдан чиқишини эълон қилди. У Теҳронни келишув шартларига зид равишда уранни бойитишда ва тақиқланган қурол яратишда айблаган.
Мавзуга оид

23:00 / 21.04.2025
Теҳрон, Москва ва Римдаги музокаралар: Эрон ядро дастури бўйича битим асослари чизилмоқда

22:13 / 21.04.2025
Трамп: АҚШ ва Эрон яхши музокаралар ўтказди

09:32 / 21.04.2025
Эрон армияси сунъий интеллектга асосланган ўта махфий қуроли борлигини маълум қилди

15:18 / 20.04.2025