Трамп ва Мун Чжэ Ин Шимолий Корея америкаликларни озод қилганини қутлашди

Фото: AP Photo / Evan Vucci

АҚШ ва Жанубий Корея президентлари Дональд Трамп ва Мун Чжэ Ин Шимолий Кореяда ҳибсда ушлаб турилган 3 америкаликнинг озод қилинишини қутлашди ва АҚШ давлат котиби Майк Помпеонинг Пхеньянга ташрифини муҳокама қилишди. Бу ҳақда Оқ уй маълум қилди.

Аввалроқ Помпео Шимолий Кореяга ташрифи натижаларига кўра, АҚШга ўзи билан ҳибсда ушлаб турилган 3 америкаликни олиб кета олганидан хурсандлигини айтганди. “Рёнхап” ахборот агентлигининг маълум қилишича, Шимолий Корея етакчиси Ким Чен Ин Трамп илтимосига кўра америкаликларни афв этиш ва озод қилишни буюрган.

Трамп Ким Чен Ин билан май ёки июнь бошида учрашмоқчи. Учрашув Трамп Вашингтонда Жанубий Корея президентини қабул қилгандан сўнг, яъни 22 майдан кейин ўтиши кутилмоқда.

Тайёрлаган: Шуҳрат Раҳимов

#Шимолий Корея #америкаликлар