Қўшимча функционаллар
-
Тунги кўриниш
Жаҳон чемпионати ҳаками пора сўрагани учун ҳибсга олинди
Фото: Fotoarena
Саудия Арабистони футбол федерацияси ҳакам Фаҳад Ал-Мирдасийни келишилган ўйинларда иштирок этгани учун футболдан умрбод дисквалификация қилди.
Маълумки, аввалроқ Ал-Мирдасий ЖЧ-2018 ўйинларини бошқарадиган ҳакамлар рўйхатига киритилган эди.
Федерация матбуот хизмати хабарига кўра, у Қирол Кубоги финалида иштирок этувчи клублардан биридан пора сўраган.
«2018 йил 11 май куни Ал-Мирдасий финалга чиққан клублардан бирининг вакили билан боғланиб, ўйинда ёрдам бериш эвазига пул мукофоти сўраган. Айни пайтда у ҳибсга олинган» - дейилади баёнотда.
Ал-Мирдасий Конфедерациялар Кубоги -2017 турнирида учинчи ўрин учун баҳсни бошқарган, шунингдек Рио-2016 олимпиадасида ҳам ишлаган эди ва ЖЧ-2018 ўйинларини бошқарадиган ҳакамлар рўйхатига киритилган эди.
Ҳакам Ўзбекистон терма жамоаси ўйинларини ҳам бошқарган. Сўнгги марта у 2016 йил ноябрь ойида ўтказилган, ЖЧ-2018 саралашидан ўрин олган Жанубий Корея - Ўзбекистон (2:1) баҳсида бош ҳакам сифатида ишлаган эди.
Мавзуга оид
18:54 / 10.12.2019
ЖЧ-2018 мезбонлиги коррупция орқали қўлга киритилган бўлиши мумкин
08:19 / 04.12.2018
Инфантино G20 иштирокчиларига ЖЧ-2018 тўпларини совға қилди
12:53 / 09.11.2018
Роналдунинг ҳет-триги - энг ёқимли хотира. ЖЧ-2018нинг энг эсда қоларли лаҳзалари аниқланди
01:41 / 25.09.2018