Президент: «Ҳудудлардаги ҳар бир муаммо ўша куни кабинетимга боради»

19 май куни Улуғнор тумани ҳокимлигида Президент Шавкат Мирзиёев раислигида Андижон вилояти ва туманлари ҳокимлари, мутасадди раҳбарлар иштирокида йиғилиш бўлиб ўтди.

Шавкат Мирзиёев йиғилиш давомида раҳбарларга адолатли, ҳалол ва виждон билан ишлаш зарурлигини таъкидлади, деб хабар беради «Kun.uz» мухбири.

«Мен иш бошлаган биринчи кунимдан ҳокимларни йиғиб? «Бўлди энди. Бировга қарам бўлиб ишлаш йўқ. Агар ойлигим кам дейдиган бўлсаларинг ўзимни маошимдан бераман. Лекин, халқнинг бир сўмига хиёнат қилмайсизлар», деганман. Нега президент қабулхоналарини қолдирдим. Сабаби шуки, ҳудудлардаги камчиликлар ўша куни кабинетимга етиб боради. Шунинг учун муаммоларга бефарқ бўлманглар», деган давлат раҳбари.

Президент шу ўринда прокуратура тизимида ишлаган бир қатор собиқ амалдорларнинг кирдикорлари ва уларга кескин чоралар кўрилаётгани ҳақида сўзлади.