«Уральские авиалинии» Ростов-Дондан Тошкентга парвоз қила бошлайди

Россиянинг «Уральские авиалинии» авиакомпанияси Ростов-Дон - Тошкент - Ростов-Дон янги халқаро йўналишини очмоқда. Бу ҳақда компания сайтида хабар берилган.

«Рейслар 2018 йил 4 июлдан бошлаб чоршанба кунлари амалга оширилади. Учиш Ростов-Дондан соат 6:20да, Тошкентга қўниш соат 11: 40да, Тошкентдан ортга рейс соат 13:20да, Ростов-Донга қўниш соат 15:10да», - дейилади хабарда.

Чипта нархи бир томонга - 10 минг рубль (1,2 млн сўмдан). Барча йиғимлар киритилган.

Компаниядан ҳисоблашларича, авиакомпаниянинг янги йўналиши қадимги тарихга эга бўлган шаҳарларга қизиққан саёҳатчиларга ҳам, бизнес-туристларга ҳам қизиқарли бўлади.