Исроил фаластинликларга Рамазонда Ал-Қудсга киришни тақиқлади

Фото: TASS/Zuma/Wiktor Dabkowski

Исроил ҳукумати Ғазо секторида истиқомат қилувчиларга Рамазон ойида Ал-Қудс ҳудудига киришни тақиқлаб қўйиш ҳақида қарор қабул қилди. Бу ҳақда «Известия» газетаси ёзмоқда.

Нашр маълумотларига кўра, бу Исроил ҳамда Ғазо сектори чегарасидаги кескин вазият билан боғлиқ. Ал-Қудс ҳудудига жорий йилда фақат Ғарбий қирғоқда яшовчилар киритилади.

Таъкидланишича, бу маълумотни Исроилнинг АҚШдаги элчихонасидан ҳам тасдиқлашган.

Шу билан бирга, Исроил одатда Рамазон ойида Ғазо секторида яшовчиларни Ал-Қудсга ўтказиш тизимини соддалаштириб қўярди.

Эслатиб ўтамиз, аввалроқ Ал-Қудс ишлари бўйича вазир Фаластин билан низо қандай шартда тўхташини айтганди.

Тайёрлаган Отабек Матназаров

#Исроил #Фаластин #Ал-Қудс

14 май куни АҚШ Қуддусда элчихонаси очилишига жавобан Ғазо секторида фаластинликлар норозилик намойишлари ўтказишди. Натижада Исроил ҳарбийлари билан қуролли тўқнашувлар келиб чиқиб, 40дан ортиқ фаластинлик ҳалок бўлди.