Исроил Ғазо секторига зарба берди

Фото: Facebook/ShehabAgency

Исроил ҳарбий-ҳаво кучлари ҲАМАСнинг Ғазо секторидаги «денгиз полицияси» позицияларига зарба берди. Бу ҳақда The Jerusalem Post Фаластин ОАВга асосан хабар қилган.

Нашр маълумотларига кўра, Ғазодаги портга ҳужум натижасида ёнғин келиб чиққан.

Таъкидланишича, Исроил ҲАМАСнинг бир нечта ҳарбий объектларига ҳам авиазарба берган.

Ҳалок бўлганлар ёки жароҳат олганлар ҳақида маълумот ҳозирча йўқ.

#صور مراسل شهاب:قوات الاحتلال تستهدف مركبي كسر الحصار بثلاثة صواريخ من طائرة استطلاع واشتعال النيران في احدهما
Posted by Shehab News Agency on Tuesday, May 22, 2018

Эслатиб ўтамиз, аввалроқ Ал-Қудс ишлари бўйича вазир Зеэв Элькин Ғазо секторида ўнлаб фаластинликларнинг ўлимига сабаб бўлган тўқнашувлар ва АҚШ элчихонасининг Ал-Қудсга кўчирилиши ўртасида ҳеч қандай боғлиқлик йўқ экани ҳақида маълум қилганди.

#Исроил #Ғазо

14 май куни АҚШ Қуддусда элчихонаси очилишига жавобан Ғазо секторида фаластинликлар норозилик намойишлари ўтказишди. Натижада Исроил ҳарбийлари билан қуролли тўқнашувлар келиб чиқиб, 40дан ортиқ фаластинлик ҳалок бўлди.