Мексика президенти: АҚШ билан чегарадаги девор учун ҳеч қачон пул тўламаймиз

Мексика президенти Энрике Пенья Ньетонинг твиттерда маълум қилишича, мамлакат АҚШ билан чегарадаги девор учун ҳеч қачон пул тўламайди.

«АҚШ президенти Дональд Трампга, Мексика девор учун ҳеч қачон пул тўламайди. Ҳурмат билан, Мексика (барчамиз)», - дея ёзган Ньето.

Аввалроқ, Трамп Мексика билан чегарада девор қурилишига исталган воситалар билан эришмоқчи эканини маълум қилганди. Унинг сўзларига кўра, агарда мамлакатда чегаралар бўлмаса, унда бу давлат эмас.

Трамп Мексика билан чегарада девор қуриш лозимлиги ҳақида бир неча марта маълум қилган. Унинг фикрича, бу АҚШ чегарасини мустаҳкамлаш ва мамлакатдаги ноқонуний муҳожирлар сонини камайтириш учун керак.

Эслатиб ўтамиз, аввалроқ Мексика Трампни мигрантларни «ҳайвонлар» деб атамасликка чақирганди.