Бекободда профилактика инспекторига пичоқ уришди

3 июнь куни Тошкент вилоятининг Бекобод туманида яшовчи Н.Б. туман ИИБга қўнғироқ қилиб, унинг уйи олдида “Сардор” исмли шахс маст ҳолда жанжал кўтариб безовта қилаётганлигини маълум қилиб ёрдам сўраган.

Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Мазкур хабар юзасидан шу ҳудудга хизмат кўрсатувчи туман ИИБ профилактика инспектори Б.А. воқеа жойига келиб, Бекобод шаҳрида яшовчи муқаддам 3 маротаба судланган С.Р.ни тартибга чақирган вақтида у профилактика инспекторини чап кўкрак қисмига пичоқ билан уриб, воқеа жойидан қочиб кетган, профилактика инспектори жароҳат олиб касалхонага ётқизилган. 

Кўрилган чоралар натижасида С.Р. ушланган.