Тошкент шаҳрида яна бир чорраҳада автомобиллар қатнови тикланади

Сўнгги вақтларда Тошкент шаҳрининг кўплаб чорраҳалари аввалги ҳолатига қайтарилмоқда ва уларда автомобиллар ҳаракати йўлга қўйилмоқда. Хусусан, Муқимий ва Арнасой кўчалари туташган (Пионерский) чорраҳада ҳам демонтаж ишлари олиб борилмоқда. Унда 10 июндан автомобиллар ҳаракати тикланиши мумкин. 

Эслатиб ўтамиз, бундан аввалроқ, халқ орасида “Спорт товарлари” номи билан машҳур Қатортол ва Муқимий кўчалари чорраҳаси қайта очилгани ҳақида хабар қилинган эди. Маълумки, Нурафшон кўчаси Муқимий кўчаси билан туташтирилганидан кейин мазкур Муқимий кўчасига ёндош йўллар чорраҳалари ёпилган ва узлуксиз ҳаракат йўлга қўйилган эди. Бу, ўз навбатида, автомобиллар ва фуқаролар ҳаракатланишида ноқулайликларга сабаб бўлди.  

Бундан аввалроқ Тошкент шаҳрининг Матбуотчилар ва Истиқлол кўчаларида автомобил ҳаракатига рухсат берилганди.