Орангутанг ўрмонни йўқ қилаётган бульдозерни тўхтатмоқчи бўлди (видео)
Индонезияда орангутанг ўрмонни йўқ қилаётган бульдозерни тўхтатмоқчи бўлди. Ушбу ҳолат видеода қайд қилинган.
Ҳайвонларни қутқариш билан шуғулланувчи International Animal Rescue (IAR) ташкилотининг Facebook’да маълум қилишича, ролик 2013 йилда суратга олинган, бироқ уни ўтган ҳафта эълон қилишга қарор қилинган.
Видеода маймун ағдарилган дарахт танаси бўйлаб бульдозер томон бориб, унинг ковшини ушлашга уринаётгани, бироқ машинист ковшни кўтариши оқибатида маймун мувозанатини йўқотиб, йиқилиб тушганини кўриш мумкин. Шундан кейин маймун бульдозер кабинаси томон йўналади, бироқ шунда IAR фаоллари маймунни тўхтатишга қарор қилиб, унга ухлатувчи воситали ўқ узишади ва уни хавфсиз жойга олиб кетишади.
IAR’да таъкидланишича, бундай ҳодисалар Индонезияда борган сари тез-тез юз бериб турибди. Ўрмонларнинг кесиб ташланиши ҳайвонларни у ерларни тарк этишга мажбур қилмоқда ва баъзида уларнинг одамлар билан ихтилофга киришига олиб келмоқда.
Мавзуга оид
15:02 / 20.08.2024
Австралия ва Индонезия мудофаа тўғрисида шартнома тузди
11:00 / 14.06.2024
Индонезиянинг Ўзбекистондаги элчиси Тошкентда вафот этди
18:14 / 10.06.2024
Индонезияда беш метрлик бўғма илон аёлни бутунлай ютиб юборди
10:51 / 11.03.2024