Хитой АҚШ маҳсулотларига жавоб божлари киритмоқчи – Bloomberg

Фото: AP

Хитой ҳукумати 6 июлдан АҚШнинг бир қатор маҳсулотларига жавоб божлари киритади. Бу ҳақда Bloomberg ахборот агентлиги маълум қилди.

15 июнда Оқ уй АҚШ Хитойдан импорт қилинувчи 50 млрд долларлик маҳсулотларга 25 фоизлик бож тўловини киритмоқчилигини эълон қилди. Бу божлар аэрокоинот саноати, ахборот ва коммуникация технологияси, робототехника, саноат қурилмалари, янги материаллар ва автомобилсозлик соҳаларини қамраб олади.

Хитой тижорат вазирлиги АҚШнинг бу қарорига норозилик билдирган ва бундай хатти-ҳаракатларга “кучли қаршилик” кўрсатилиши ва кўлами бўйича АҚШникига тенг чоралар кўрилишини маълум қилган.