Муқаддам судланган ўғрилар қўлга олинди

17 июнь куни Тошкент вилоятининг Чирчиқ шаҳрида жиноят юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Номаълум шахслар 1-микрорайон ҳудудида жойлашган “Маиший хизмат кўрсатиш уйи”дан эшик қулфини бузиб кириб, умумий қиймати 8 млн. сўмлик “LG” компьютерлари ва 1 дона “DVR” проектори, ҳамда  велосипедларини ўғирлаб кетганлар. 

Кўрилган чоралар натижасида ушбу жиноятни Чирчиқ шаҳрида яшовчилар А.Н ва муқаддам судланган В.П. содир этганлиги аниқланиб ушланганлар.