Falcon 9 ракетаси ХКСга сунъий онгга эга роботни етказади

SpaceX компанияси 29 июнда Dragon кемаси билан Falcon 9 ракетасини коинотга учирди. Dragon Халқаро коинот станцияси экипажига юк етказиб беради. 

Ракета маҳаллий вақт билан соат 5:42да (Тошкент вақти билан соат 14:42) Канаверал бурнидаги базадан учирилган.

NASA’нинг маълум қилишича, ХКСга 2,7 тонна юк, жумладан озиқ-овқат ва илмий тажрибалар учун материаллар етказилади. Кема станцияга 2 июлда бирикиши кутилмоқда.

Dragon ХКСга, шунингдек, коинот тадқиқотлари учун интерактив мобил ёрдамчи CIMON’ни (Crew Interactive MObile сompanioN) етказади. Сунъий онгга эга робот Airbus ва IBM томонидан ишлаб чиқилган. NASA’да маълум қилинишича, тажрибадан кўзланган мақсад сунъий онг ХКС экипажи аъзоларидан стрессни олиш учун фойдали-фойдали эмаслигини аниқлашдан иборат. 

8 июнда ХКСга МКС-56/57 экспедицияси аъзолари – Роскосмос, NASA ва Европа коинот агентлиги фазогирлари Сергей Прокопьев, Серена Ауньон ва Александер Герст етказилгандилар. Улар станцияда ишлаётган россиялик Олег Артемьев ҳамда америкалик Эндрю Фойстел ва Ричард Арнольдга қўшилганлар.