Фоторепортаж: Андижонда Ёшлар кунига бағишланган тадбирлар бўлиб ўтди

Ўзбекистонда илк бора ўтказилаётган “Ёшлар куни” Андижон вилоятида ҳам кенг нишонланди.

Вилоятнинг барча туманларида ушбу сана муносабати билан турли маданий-маърифий кечалар, спорт мусобақалари, давра суҳбатлари ва сайиллар ташкил этилди.

“Ёшлар – бизнинг келажагимиз!” тадбирларининг якуни Андижон шаҳридаги “Баркамол авлод” стадионида ўтказилди. Унда турли соҳаларда тенгдошларига ўрнак бўлаётган ёшлар муносиб тақдирланиб, вилоят ва мамлакатимизнинг таниқли санъат усталари томонидан концерт дастури намойиш қилинди.

Вилоятда бўлиб ўтган тадбирлардан олинган фоторепортажни эътиборингизга ҳавола қиламиз.