Синдзо Абэ бир ойда 4 давлатга сафар қилади

Фото: РИА Новости

Япония бош вазири Синдзо Абэ июль ойида Бельгия, Франция, Саудия Арабистони ва Мисрга ташриф буюради. Бу ҳақда Kyodo агентлиги хабар қилмоқда. Ҳукумат раҳбарининг хорижий мамлакатларга сафари 11-18 июль кунлари бўлиб ўтади. Агентликнинг ёзишича, Абэ Бельгияга ташрифи доирасида ЕИ билан эркин савдо келишувини имзолаши кутиляпти.

Маълумки, Япония ва ЕИ бир неча йиллардан буён эркин савдо келишуви бўйича музокаралар ўтказиб келади. Ушбу масала бўйича маслаҳатлашувлар механизмини бошлашга доир келишувга 2011 йилда эришилган эди. Расмий Токио Японияда ишлаб чиқарилган автомобиллар (10 фоиз) ва электрон маҳсулотларга (14 фоиз) белгиланган юқори божлар бекор бўлишидан манфаатдордир.

Шу билан бирга, эркин савдо келишуви имзоланса, ЕИда ишлаб чиқарилган маҳсулотларнинг Японияга экспорти 30 фоизга ошади.