Никарагуада намойишлар вақтида ҳалок бўлганлар сони 300дан ошиб кетди

Никарагуада ҳукуматга қарши намойишлар оқибатида ҳалок бўлганлар умумий сони яна 24 нафарга кўпайиб, 309 нафарни ташкил қилмоқда.  

Аввалроқ 19 апрелдан бери давом этаётган намойишларда 285 киши ҳалок бўлгани маълум қилинган. Prensa порталининг маълум қилишича, жароҳат олганлар сони ҳали ҳам 1,5 минг киши атрофида баҳоланмоқда, улардан 46 нафари жиддий жароҳатланган. 

Никарагуада апрель ўртасидан ҳукуматнинг иш берувчилар ва ишчиларнинг ижтимоий суғурта жамғармасига тўловлари қиймати оширилиши кўзда тутилган таклифига қарши намойишлар давом этиб келмоқда. Президент Даниэль Ортега бу таклифни бекор қилганига қарамай, намойишлар тўхтамаяпти.