Дунёнинг энг кучли смартфонлари номи эълон қилинди

Таниқли AnTuTu бенчмарки жамоаси ўзининг Android операцион тизими бошқаруви остида ишловчи смартфонларининг июнь ойи рейтингини тақдим этди.

Таъкидлаш жоизки, AnTuTu ҳар ой энг топ смартфонлар ўнлиги рўйхатини чоп этади. Шунингдек у Android ва iOS операцион тизимларида етакчилик қилувчи смартфонлар рўйхатини алоҳида беради.

Кутилганидек, рўйхатда етакчилик қилувчи смартфонларнинг аксарияти Qualcomm Snapdragon 845 процессорида ишлайди. Шундай бўлса-да, улар турлича дизайнга эга ва Android'нинг бошқа-бошқа версиясида ишлайди. 

Июнь ойида рейтингда Xiaomi компаниясининг Black Shark ўйин смартфони етакчилик қилди. У 287 минг балл тўплади. Унинг энг яқин рақиби 284 минг балл билан Vivo NEX бўлди. Учинчи ўринда эса 282 минг балл билан OnePlus 6 смартфонига насиб этди. Энг кучли смартфонлар ўнлигидан шунингдек Xiaomi Mi 8, Smartisan Nut R1, Samsung Galaxy S9+, Xiaomi Mi MIX 2s, Samsung Galaxy S9, Sony Xperia Z2 ва Nubia Red Magic ўрин олган.